Migrado
Ĉi tiu modulo malkovras, kio estas migrado, kaj ebligas al ni koni nian propran migran historion
Homoj komencas moviĝi
La historio de la homaro estas historio de migrado. Migrado ĉiam estis centra elemento de homa adaptiĝo al mediaj kondiĉoj kaj sociaj defioj. Homoj ekloĝis en la tuta mondo per ampleksaj migradoj.
Esploru mallongan superrigardon de la historio de migrado de homoj, laŭ la nuna stato de scioj.
- Homoj forlasas Afrikon. Laŭ bordoj kaj akvovojoj, ili iras tra Sinajo kaj la Araba duoninsulo al la tuta mondo. Homoj ne estas fiksloĝaj en tiu tempo: sen moviĝo ne eblas vivi, ĉar ĉasaĵoj moviĝas kaj ne estas sufiĉe da kreskaĵa manĝo en unu loko.
- Ĝis tiam, homoj vivis nur en tropikaj zonoj. Sed homoj lernis, kiel fari fajron, akiris teknikojn por ĉasi pli grandajn bestojn, povas transiri grandajn akvujojn kaj kudri vestaĵojn. Tial ili disvastiĝas al pli malvarmaj kaj sekaj regionoj.
- Homo atingas Aŭstralion.
- Homoj unuafoje atingas Amerikan tra la Beringa markolo.
- Ĉe la fino de la lasta glacia epoko, homoj estas en ĉiuj kontinentoj, eĉ Ameriko. Ilia kapablo adaptiĝi al novaj mediaj kondiĉoj ebligas al ili loĝi preskaŭ ĉie en la mondo. En tiu tempo estas eble 5 aŭ 10 milionoj da homoj.
- Polineziaj farmistoj transiras la Pacifikon: trans Nov-Gvineo, Melanezio kaj Polinezio, ili fine atingas Nov-Zelandon.