Tutmondiĝo

Kanto

Unue aŭskultu la kanton.

https://www.youtube.com/watch?v=9Ooc8BDo8eM

Nun tralegu la tekston de David Rovics:

Se vi scius

Se vi scius, ke la Tero mortas
Se ili dirus tion en ĵurnalo
Se ili klarigus la bildon
Anstataŭ klopodi konfuzi
Se vi povus vidi la fandiĝantajn glacitavolojn
Se vi povus rigardi altiĝantajn oceanojn
Se vi povus vidi la konsekvencojn
Tuj antaŭ viaj okuloj
Se vi scius, ke infanoj mortas
Se vi povus rigardi en
La rivero, de kie venas ilia manĝaĵo
Plena je cianido
Se vi povus aŭdi la gepatrojn, kiuj petegas
Se ili rigardus rekte al vi
Se vi povus vivi la doloron en iliaj koroj
Se vi scius

Se vi scius, ke bomboj faladas
Se ili montrus, kiel ili trafas la grundon
Se vi povus vidi la korpojn, kiuj forflugas
Se vi povus aŭdi la sonon
Se vi povus vidi la rubon
Kie iam staris malsanulejo
Se vi vidus la senvivajn membrojn de infano
Ĉu vi tenus ilin, se vi povus
Se vi scius, ke ili mensogas
Ĉiufoje, kiam ili parolas
Por ĉiu laser-gvida punkto
Estis perditaj vivoj en la fumo
Se anstataŭ nur generaloj
Ili havus ankaŭ kuracistojn
Por priskribi la masakron de grapolbomboj
Se vi scius

Se vi scius, kion ili diras
Kiam ili pensas, ke vi ne povas aŭdi
Se vi komprenus, kion ili faras
Se estus tiel klare por vi
Se vi scius, ke ili fermis la fabrikon
Por ekonomia ruzo
Se vi povus kisi la vangon de la infano
En la fifabriko, kiu faris viajn ŝuojn
Se ĉiufoje, kiam ni iras al milito
Por batali kontraŭ fiaj malamikoj
Ili dirus al vi, ke ni vere batalas
Por la bono de CEO-j (kompaniestroj)
Se vi povus senti la malsaton de multaj
Kaj vidi la riĉaĵojn de malmultaj
Se ili dirus, kiel vere estas
Se vi scius

Se vi scius, ke vi vivas
En grandega konspiro
Ĉu vi forirus el via ĉirkaŭurbo
Elirus el via SUV (aŭtego)
Ĉu vi irus al stratoj
Kaj batalus por ĉiujn niajn vivojn
Ĉu vi rezistus
Kiam venus la soldatoj
Se vi scius, ke la tuta mondo
Dependas de tio, kion vi faras nun
Ĉu vi ekregus
Kun la rapido, kiun ebligas nia epoko
Se la spertuloj dirus la veron
Nur por semajno aŭ du
Se vera vivo estus montrata televide
Se vi scius

Respondu la jenajn demandojn:

• Viaopinie, al kiu estas celita tiu kanto?
• Kiuj aspektoj de tutmondiĝo estas priparolataj en la kanto?
• Kion precize kritikas la artisto en sia kanto?

CEO = Chief executive officer = ĉefa afergvida oficisto
SUV = Sport Utility Vehicle = sporta plurfunkcia veturilo