Tutmondiĝo

La monda loĝantaro nun estas pli ol 7 miliardoj da homoj. Ĉirkaŭ 60 % el tiuj vivas en Azio. Aparte grandaj en tiu mapo estas Barato kaj Ĉinio, ĉar ili estas la plej loĝataj. La loĝantaro de lando dependas nur de ĝia grando sur la mapo. ekzemple, Sudano, la plej granda lando en Afriko, havas malpli da loĝantoj ol Egiptio kaj Sudafriko. Laŭ pritaksoj, la monda loĝantaro daŭre kreskos en la venontaj jaroj, kun 97 el 100 novnaskitoj naskotaj en evoluantaj landoj.

Tiu mapo montras la proporcion de karbonduoksidaj emisioj, kiuj estas la ĉefa kaŭzo de la vitrodoma efiko kaj tial de tutmonda varmiĝo. Plej multaj emisioj devenas de Nordameriko, Eŭropo, Japanio kaj Ĉinio, kaj la CO₂-emisioj tre kreskis en Ĉinio dum la lastaj jaroj; nun tiu lando produktas plej multe da emisioj tutmonde.

Arbaroj en la tuta mondo malaperadas. Tiu mapo montras la regionojn, kie plej multaj arboj estas proporcie fortranĉataj. Plej multaj el ili estas en Sudameriko, precipe en Brazilo, kiu havas la plej grandajn arbarojn en la tuta mondo. Okazas granda arbara perdado en Sudorienta Azio. Ĉefe la tropika pluvarbaro en Indonezio estas trafata de akra senarbarigo. Sed la arbaraj areoj en Afriko ankaŭ grave suferas.

Tiu mapo montras, kie plej multe da homoj mortas ĉiujare pro nesufiĉa nutrado. Preskaŭ miliardo da homoj en la tuta mondo suferas pro malsato kaj nesufiĉa nutrado. 90 % el ili vivas en Afriko kaj Azio, ĉefe sude de Saharo kaj en Barato. En Afriko, ĉiu 5-a persono kaj ĉiu 10-a en Azio suferas pro malsato. Nesufiĉa nutrado estas la ĉefa kaŭzo de infana mortado kaj malsanoj. Kontraste, trodikeco kreskas en evoluintaj landoj, kaj ankaŭ tio estas kaŭzo de multaj malsanoj.

Tiu mapo montras la tutmondan riĉon laŭ malneta enlanda produkto (MEP), t.e. la valoro de ĉiuj varoj kaj servoj produktitaj dum unu jaro en la ekonomio de lando. Kvankam Eŭropo kaj Nordameriko havas apenaŭ 16 % el la monda loĝantaro, ili havas pli ol 50 % el la MEP. Kompare, Azio havas 30 % el monda MEP sed pli ol 60 % el la monda loĝantaro. La afrikaj landoj, kun suma MEP je 2,6 %, havas la plej malgrandan porcion de monda riĉo. Kaŝita ekonomio, najbara helpado, prizorgado de infanoj kaj maljunuloj kaj superviva ekonomio, tio estas ĉiuj varoj kaj servoj produktataj por propra uzado, ne estas enkalkulataj en MEP. Kreskigi ĝin estas grava prioritato, ĉefe en kampaj regionoj de Afriko, Azio kaj Latinameriko.

Bruligaĵoj inkluzivas ekzemple gason, karbon, nafton, atomenergion kaj lignon. Tiu mapo montras, ke la konsumado en la norda duonsfero estas multe pli alta, ĉefe en Nordameriko, Eŭropo kaj Japanio, ol en la landoj de la suda duonsfero. La plej alta persona konsumado estas en Luksemburgo, la plej malalta en Bangladeŝo.