Tutmondiĝo

Ekde proksimume 1833
Ebligis transsendon de koditaj signaloj per elektraj dratoj tra longaj distancoj.

Ekde proksimume 1876
Aparato por transsendi sonajn ondojn per elektraj signaloj kaj linioj. Ĝi ebligis al homoj interparoli rekte tra longaj distancoj.

Ekde proksimume 1920
Tiu elpensaĵo estas bazita sur malkovro de elektromagnetaj ondoj. Uzante ĝin, unu parolanto povis atingi multe da homoj samtempe.

Ekde proksimume 1930
Oni kromnomis ĝin “gapa skatolo”. En la 1950-aj jaroj, ĝi fariĝis amaskomunikilo.

Ekde proksimume 1970
Helpe de tiu produkto, tekstoj kaj bildoj povas esti sendataj en kelkaj minutoj per telefona reto. Retpoŝto anstataŭis ĝin, kiam aperis la Interreto.

Ekde proksimume 1980
La praulo de tiu komunikilo, nomita kalkulmaŝino, devenas de Antikveco. La unuaj elektronikaj aparatoj aperis en la 1940-aj jaroj. Ili disvastiĝis dum la 1980-aj jaroj.

Ekde proksimume 1987
Unue kreita kiel usona armea projekto, ĝi malfermiĝis al la ĝenerala publiko komence de la 1990-aj jaroj kaj revoluciis interŝanĝadon de informoj. Granda kvanto da datumoj povas esti interŝanĝita ene de kelkaj sekundoj (teksto, bildoj, video, sono) per tiu teknologio.

Ekde proksimume 1990
La unuaj provoj de sendrata telefonado okazis jam en 1926. Sed veraj porteblaj aparatoj aperis nur en la 1980-aj jaroj. La unuaj prototipoj pezis preskaŭ kilogramon, hodiaŭ oni povas meti ilin en poŝon.