Civitana socio
Ĉi tiu temo klarigas, kio estas civitana socio, kiel ĝi funkcias kaj kiel ni povas valorigi ĝin
Civitana socio en historio
La termino civitana socio devenas de la esprimo de Aristotelo koinōnía politikḗ. Lia “politiko” estas “komunumo”, la greka urboŝtato (polis), en kiu liberaj civitanoj estis egalrajtaj laŭ leĝo. La “telos” aŭ celo de civitana socio estis la ĝenerala bonfarto; homo estis nomita “politika (socia) besto” (zoōn politikón).
La koncepto societas civiliis estas latina kaj ĝin enkondukis Cicero. Dum historio, tiu koncepto estis diskutata de diversaj filozofiistoj kiel Hegel, Marx aŭ Gramsci, evoluante kaj ŝanĝiĝante dum tempo.
Nova maniero uzi la koncepton de civitana socio venis kun novliberala ideologio pri evoluigo de la tria sektoro, kiu anstataŭis la ŝtatan prizorgon en la iama sovetia landaro, post kiam ĝi transformiĝis en 1989. La lastatempa evoluo de la tria sektoro tie estas parte rezulto de tiu restrukturigo de bonfarta sistemo, pli ol de demokratiigo.
Aldone, en la 1990-aj jaroj, kun tutmonda aperado de neregistaraj organizaĵoj kaj la novaj sociaj movadoj, civitana socio kiel tria sektoro iĝis konsiderata kiel grava tereno de strategia agado por konstrui “alternativan socian kaj mondan ordon”.