Evoluado

Nur malgranda proporcio de malriĉuloj en la mondo bezonas konsolon. Tiuj povas esti homoj kun korpa kriplo, maljunuloj aŭ orfoj, viktimoj da homaj aŭ naturaj katastrofoj. Tiuj homoj ne povas helpi sin kaj bezonas konsolon. Sed plej multaj en la mondo, kiuj bezonas helpon, ne plu “sangas”. Se oni traktas ilin, kvazaŭ ili bezonus konsolon, oni kaŭzas pli da damaĝo, ol se oni helpas ilin kaj sin. Tio ne signifas, ke ili ne bezonas helpon. Tio signifas, ke restarigo kaj evoluigo estas taŭgaj manieroj helpi ilin. Ĉi tia helpo povas inkluzivi ankaŭ monan subtenon, sed devas esti ankaŭ aktiva partoprenado. Konsolo mem povas subteni restarigon kaj evoluigon, se oni laboras kun la homoj, kaj ne por la homoj. Endas ne fari ĉion anstataŭ ili, sed partoprenigi ilin en ĉio, kion oni faras: planado, efektivigo de agadoj, pritaksado. Laŭ psikologia vidpunkto estas konsilinde ankaŭ ne subteni superecon de donacantoj kaj malsuperecon de ricevantoj.