Kritika pensado

Ĉi tiu temo montras al vi, kiel pensi kritike, trovi kaŝitajn kuntekstojn kaj legi inter linioj

Ĉu vi sciis, ke…

…la unua konata eŭropa kritikpensisto estis Sokrato?
…kritika pensado devenas samtempe de Okcidento kaj de Oriento?
…nelogika erara argumento tamen estas argumento?
…laŭ unu versioj, la nomo de la manipula metodo “ruĝa haringo” devenas de homoj fuĝantaj el malliberejo uzante fumaĵitan haringon por mallogi la hundojn, kiuj postkuras ilin?
…la alia rakonto pri la deveno de la nomo de la manipula metodo “ruĝa haringo” estas, ke ĝi devenas de trejnado de hundoj por ĉasi vulpojn?
…logikaj trompoj kaj manipulaj metodoj estas vaste uzataj en politiko kaj komerco?
…ke estas malsamo inter publikismaj kaj novaĵaj ĝenroj? La unua estas subjektiva kaj bazita sur la opinio de ĵurnalisto, dum la dua estas objektiva kaj bazita nur sur faktoj?
…la vorto “kritika” devenas de la greka “kritikos”?
…ne eblas tuj lerni pensi kritike, kaj vi devas longe trejniĝi?
…stereotipoj estas utilaj, ĉar ili helpas orientiĝi en ĉiutagaj situacioj? Malutilaj estas antaŭjuĝoj, kiuj baziĝas ne sur raciaj konsideroj, sed sur timo kaj aliaj malbonaj emocioj.
…kritika pensado estas la kapablo rekoni malbonajn argumentojn, eĉ kiam ili subtenas vian opinion?
…logika trompo estas argumento, kiu uzas malbonan rezonon kaj ĝi povas esti trompa sendepende de tio, ĉu ĝia konkludo estas vera?
…argumento estas frazo aŭ sinsekvo de frazoj, asertoj aŭ supozoj, kaj ĝia celo estas klarigi, konvinki aŭ rezoni pri io?
…fakto estas informo, kiun oni povas kontroli kaj estas subtenata de pruvoj?
…opinio estas aserto, kiun oni konsideras vera kaj dependas de la propra vidpunkto, gusto aŭ persona sperto?
…supozo estas aserto, kiu povas esti vera aŭ malvera, kaj kiun oni konsideras verŝajna?