2 / Kritika pensado / Moduloj

De kie venas kritika penso?

Ĝi estas okcidenta elpensaĵo devenanta de la epoko de Cicero en Romio
Ĝi estas ĉina elpensaĵo devenanta de la dinastio Hu
Ĝi devenas samtempe de okcidenta tradicio de Sokrato en antikva Grekio kaj de orienta tradicio en antikva Barato

Ĝusta respondo: Ĝi devenas samtempe de okcidenta tradicio de Sokrato en antikva Grekio kaj de orienta tradicio en antikva Barato

Kio estas premiso?

Aserto prezentita kiel universala vero
Aserto celanta doni kialon por konkludo
Aserto, kiun oni opinias ĝusta

Ĝusta respondo: Aserto celanta doni kialon por konkludo

Kiu el la jenaj frazoj estas supozo?

Klimata ŝanĝo ne rilatas al ni
Klimata ŝanĝo povus kaŭzi ekstremajn veterajn fenomenojn
En majo de 2013, homaro preterpasis simbolan limon de koncentriĝo de karbonduoksido en la atmosfero: 400 ppm (partoj por miliono). Tiel alta koncentriĝo de tiu vitrodoma gaso en la atmosfero ekzistis dum Plejstoceno, antaŭ proksimume 3 milionoj da jaroj.

Ĝusta respondo: Klimata ŝanĝo povus kaŭzi ekstremajn veterajn fenomenojn

Tiu frazo estas fakto: http://www.guardian.co.uk/environment/2013/may/10/carbon-dioxide-highest-level-greenhouse-gas

Kio estas argumento?

Aserto proponanta objektivan informon, ne provanta konvinki.
Frazo, kiu povas esti ĝusta aŭ malĝusta, kaj povas esti premiso aŭ konkludo
Aro de frazoj, asertoj kaj supozoj, kiuj celas klarigi, konvinki kaj rezoni

Ĝusta respondo: Aro de frazoj, asertoj kaj supozoj, kiuj celas klarigi, konvinki kaj rezoni

Kiu el tiuj frazoj NE estas fakto?

Afrikanoj vivas en argilaj dometoj
En Afriko, 40 % el la loĝantaro vivas en urbaj zonoj, dum 60 % vivas en kamparaj zonoj.
Afriko estas kontinento situanta sude de Eŭropo.

Ĝusta respondo: Afrikanoj vivas en argilaj dometoj

Kiu el tiuj frazoj estas argumento?

Helpi al homoj estas tre bone.
La supreniga flosforto aplikata al korpo tute aŭ parte enakvigita en fluaĵo egalas al la pezo de la fluaĵo, kiun la korpo forpuŝas.
Mi ne aĉetos vestaĵojn de tiu marko, ĉar ili laborigas ankaŭ infanojn en siaj fabrikoj.

Ĝusta respondo: Mi ne aĉetos vestaĵojn de tiu marko, ĉar ili laborigas ankaŭ infanojn en siaj fabrikoj.

Tio estas argumento. Premisoj de la argumento estas:
Premiso (1): mi ne aĉetas vestaĵojn, kiujn eble faras infanoj
Premiso (2): vestaĵoj de tiu marko estas produktataj en fabriko, kie laboras infanoj.
Konkludo (3): mi ne aĉetos vestaĵojn produktitajn en tiu fabriko

Kiu el tiuj frazoj estas KONKLUDO de la argumento?

Unu el la karakterizoj de karbona duoksido estas, ke ĝi sorbas transruĝan radiadon kaj la energion, kiun ĝi enhavas, dum ĝia vojo post resendo de la tersurfaco. Tio signifas, ke ju pli da karbona duoksido estas en atmosfero, des malpli da energio reiras al spaco.
Ekde la industria revolucio, la homaro ellasis pli kaj pli da karbona duoksido: milionojn kaj milionojn da tunoj, kaj ĝia volumeno en atmosfero daŭre kreskas
Homaro influas la temperaturon de nia planedo

Ĝusta respondo: Homaro influas la temperaturon de nia planedo

Tiu frazo estas konkludo de la argumento, kiu devenas de la du premisoj en la respondoj A kaj B.

Ĉu vi scias, kio estas manipulaj metodoj en kritika pensado?

Psikologiaj manieroj influi la mensojn de aliuloj, por ke ili faru tion, kion oni volas, ekzemple hipnoto
Metodoj por movi meblojn por kritikado de la endoma arkitekturisto
Esprimoj, kiuj unuavide ŝajnas raciaj kaj logikaj, sed fakte ne estas kaj nur celas krei bildon de argumento en la menso de la ricevanto.

Ĝusta respondo: Esprimoj, kiuj unuavide ŝajnas raciaj kaj logikaj, sed fakte ne estas kaj nur celas krei bildon de argumento en la menso de la ricevanto.

Kritika pensado

Komencaj demandoj